AQShning Kaliforniya shtatidagi San-Diyego shahri yaqinida ikki kichik samolyot to‘qnashuvi oqibatida besh kishi halok bo‘ldi, deb xabar bermoqda “RIA Novosti”.
Ikki motorli Sabreliner va bir motorli Cessna 172 samolyotlari 16-avgust kuni Brown Field Municipal Airport aeroportidan ko‘tarilish vaqtida to‘qnashib ketgan. Halokatdan keyin yong‘in kelib chiqqan va u bartaraf etilgan. O‘t o‘chiruvchilardan biri jarohat olgan va shifoxonaga yotqizilgan.
“To‘qnashuv juda kuchli bo‘lgani aniq. Buni ikkala samolyot ham bir necha qismlarga bo‘linib ketganidan ham bilish mumkin”, — dedi Kaliforniya o‘rmonlar boshqarmasi va yong‘indan himoyalanish bo‘limi rahbari Nik Shuler.
Izoh (0)