Eron o‘z yadroviy dasturi haqidagi ma’lumotlarni MAGATEga taqdim etdi

Eron o‘z yadroviy dasturi haqidagi ma’lumotlarni Atom energiyasi bo‘yicha xalqaro agentlik (MAGATE)ga taqdim etdi. Bu haqda “RBK” xabar bermoqda.

“Bugun Eron mamlakatning avvalgi va joriy yadroviy dasturiga aloqador yozma tushuntirishlar va hujjatlarni MAGATEga taqdim etdi”, — deyiladi agentlik xabarida. MAGATE vakillarining qayd etishicha, Eron tomonidan mazkur hujjatlarning taqdim etilishi 14-iyul kuni erishilgan kelishuvda ko‘rsatib o‘tilgan edi.

Avvalroq xalqaro vositachilarning “oltiligi” Tehron bilan Eron yadroviy dasturi borasida kelishuvga erishgandi. Unga ko‘ra, Eron o‘z yadroviy dasturini cheklashi hamda o‘z harbiy bazalariga MAGATE vakillarining kirishiga ruxsat berishi evaziga Tehronga nisbatan joriy etilgan sanksiyalar bekor qilinadi. Eron bilan erishilgan mazkur kelishuv 20-iyul kuni BMT Xavfsizlik kengashi tomonidan ma’qullangan edi.