Myanmada musson yomg‘irlari keltirib chiqargan suv toshqinlari oqibatida halok bo‘lganlar soni 88 kishiga yetdi. Ofatdan 330 ming atrofidagi odam jabr ko‘rgan. Bu haqda “TASS” xabar bermoqda.
Mahalliy ijtimoiy ta’minot vazirligi ma’lumotlariga ko‘ra, eng ko‘p qurbonlar Rakxayn shtatiga to‘g‘ri kelmoqda: bu yerda 55 kishi toshqin va o‘pirilishlar tufayli hayotdan ko‘z yumgan.
Mamlakat hukumati shu haftada toshqin oqibatlarini bartaraf etishda ko‘mak so‘rab, jahon hamjamiyatiga murojaat etdi. Tailand, Xitoy, Yaponiya, AQSh, Norvegiya va Singapur bunga javoban gumanitar yordam jo‘natgani qayd qilinmoqda.