AQShning Minnesota shtatida joylashgan 22 kishi istiqomat qiladigan Dorset shahrida navbatdan tashqari mer saylovi bo‘lib o‘tdi. The Daily Mirror xabariga ko‘ra, saylovda uch yoshli Jeyms Tafts g‘alaba qozondi. Qayd etishlaricha, u AQSh tarixidagi eng yosh merga aylandi.
Tafts shahar hokimi sifatida o‘zining olti yoshli akasi o‘rnini egalladi — katta Tafts bu lavozimda ikki yildan beri ishlab kelayotgandi. Boshlovchi siyosatchi saylov kuni saylovchilar bilan muloqot qilarkan, agar g‘alaba qozonsa, hammani muzqaymoq bilan siylashga va’da bergandi.
Taftsning onasi so‘zlariga ko‘ra, Jeyms saylovda g‘alaba qozonganini tushunganidan so‘ng juda hayajonlangan. Uning qayd etishicha, chaqaloq merlik o‘rnini egallash uchun ko‘p harakat qilgan, biroq kelajakda u siyosiy arbob emas, balki baliqchi bo‘lmoqchi.
Izoh (0)