O‘zbekistonning oltin-valyuta zaxiralari hajmi 2025-yil may oyi yakuniga ko‘ra 49,66 mlrd dollarni tashkil etdi. Bu haqda Markaziy bank ma’lumotlarida keltirilgan.
Bu Markaziy bankning 2013-yildan buyon kuzatuvlari tarixidagi rekord ko‘rsatkichdir.
Aprel oyi bilan taqqoslaganda zaxiralar 410,2 mln dollarga yoki 0,83 foizga oshdi. Zaxiralar oshishi ketma-ket beshinchi oy davom etmoqda. Yil boshidan buyon o‘zish 8,48 milliard dollarni tashkil etdi (20,6 foizga oshdi).
Zaxiralardagi oltin miqdori fizik hajmi biroz kamayib, 11,4 troya unsiya (353,85 tonna)ni tashkil etdi. Shunga qaramay, qimmatbaho metall narxi ko‘tarilishi sabab uning narxi 2,2 million dollarga oshib, 37,65 milliard dollarni tashkil etdi.
Aprel oyida O‘zbekiston oltin-valyuta zaxiralari ketma-ket uch oy davomida rekordni yangilab, 49,2 milliard dollardan oshgandi. O‘zbekiston aprelda oltin sotish bo‘yicha dunyoda yetakchilikni saqlab qoldi. Jahon oltin kengashi ma’lumotlariga ko‘ra, Markaziy bank aprel oyida 11 tonna qimmatbaho metall sotdi, yillik hisobda sof oltin savdosi 26 tonnani tashkil etdi.
Izoh (0)