Xitoy 29-iyun kuni Yaponiya bilan dengiz mahsulotlari importini qayta tiklashini ma’lum qildi. Bu haqda CNN xabar berdi.
Mamlakat 2 yil oldin Yaponiyadan dengiz mahsulotlari sotib olishni bekor qilgan edi. Bunga Yaponiya Fukusima atom elektr stansiyasidan tozalangan oqava suvlarni chiqarib yuborgani haqidagi taxminlar sabab bo‘lgan. Bu ikki mamlakat o‘rtasida diplomatik va iqtisodiy ziddiyatni keltirib chiqargandi.
Yaponiyaning 10 ta prefekturasidan — Fukusima, Gunma, Tochigi, Ibaraki, Miyagi, Niigata, Nagano, Saytama, Tokio va Chibadan dengiz mahsulotlarining Xitoyga kirishi taqiqlanganicha qolmoqda.
Yuqoridagilardan tashqari boshqa hududlardan Xitoyga keltirilgan mahsulotlarga Yaponiya hukumati tomonidan berilgan sog‘liqni saqlash sertifikatlari talab qilinadi. Jumladan, radioaktiv moddalar aniqlanmaganini ko‘rsatuvchi sertifikat, ishlab chiqarilgan hudud bo‘yicha ma’lumot kerak bo‘ladi. Xitoy bojxona organlarining ta’kidlashicha, importni davom ettirish qarori suvdan namunalar olinib, uning tarkibi o‘rganilgach qabul qilingan.
Izoh (0)