Rossiyaliklarning 87 foizi Vladimir Putinning prezidentlik faoliyatidan qoniqish hosil qilmoqda. Bu haqda, “Levada-sentr” tomonidan o‘tkazilgan so‘rov natijalariga asoslanib, “Vedomosti” xabar bermoqda.
So‘rov 17—20-iyul kunlari Rossiyaning 46 hududida istiqomat qiluvchi jami 1,6 ming aholi o‘rtasida o‘tkazilgan. So‘rovnomada ishtirok etganlarning 12 foizi prezidentdan norozi.
Qayd etish joiz, iyun oyida Putinni ma’qullash reytingi rekord ko‘rsatkich – 89 foizga yetgandi. Aprel—may oylarida Rossiya prezidentini aholining 86 foizi, yanvarda 85 foizi, 2014-yil iyunida 86 foizi, 2013-yil iyunida 63 foizi, 2012-yil iyunida 64 foizi qo‘llab-quvvatlagan edi.
Dmitriy Medvedevning bosh vazir sifatidagi ishini iyul oyida rossiyaliklarning 65 foizi ma’qulladi, 33 foizi qoraladi. So‘rovnomada qatnashganlarning 58 foizi hukumatning faoliyatini ma’qulladi, 41 foizi undan esa norozi ekanligini ma’lum qildi. Aholining 50 foizi mamlakat parlamentidan mamnun, 48 foizining esa ko‘ngli to‘q emas.
Izoh (0)