Eron poytaxtida uyushtirilgan namoyishda 200 nafar o‘qituvchi qo‘lga olindi

Eron poytaxti Tehron shahrida o‘qituvchilar tomonidan uyushtirilgan namoyishni tarqatish chog‘ida kamida 200 kishi hibsga olindi, deb xabar beradi “TASS”.

Al Arabiya telekanali bergan xabarga ko‘ra, namoyishchilar Majlis (Eron parlamenti) binosi oldiga to‘plangan. Namoyishchilar hukumatdan “hibsga olingan hamkasblarini ozod qilishni” talab qildi. Politsiya ularni tarqatib yuborish vaqtida 200 dan ortiq o‘qituvchini qo‘lga oldi.

Tehron markazida uyushtirilgan namoyishda 2 mingga yaqin o‘qituvchi ishtirok etgan.