O‘zbekiston Gidrometeorologiya xizmati markazi 17-iyul soat 20:00 dan boshlab 18-iyul 20:00 gacha kutilayotgan ob-havo ma’lumotini e’lon qildi.
Toshkent shahrida havo biroz bulutli bo‘ladi, vaqti-vaqti o‘zgarib turadi, yog‘ingarchilik kutilmaydi. Shamol sharqdan 5—10 m/s tezlikda esadi. Harorat kechasi 25—27°, kunduzi 40—42° bo‘ladi.
Farg‘ona vodiysida harorat kechasi 22—27 daraja, kunduzi esa 33—38 daraja bo‘lishi kutilmoqda.
Buxoro, Navoiy, Samarqand, Jizzax, Sirdaryo, Qashqadaryo, Surxondaryo va Toshkent viloyatlarida 18-iyul kuni havo harorati kunduzi 39—44 daraja issiq bo‘ladi.
Qoraqalpog‘iston Respublikasi va Xorazm viloyatida shamol g‘arbdan 7—12 m/s tezlikda esadi, ba’zi joylarda 15—20 m/s gacha kuchayishi mumkin. Harorat kechasi 23—28°, kunduzi 29—34° bo‘ladi.
“Daryo” nashri Gidrometeorologiya xizmati bilan bog‘lanib, aniqlik kiritishicha, Respublikaning shimoli-g‘arbiy hududidan salqin havo oqimlari kirib kelmoqda. Keyingi kunlarda butun O‘zbekistonda havo salqinlashishi mumkin.
Izoh (0)