Rossiyaning Omsk viloyatida kazarma qulab ketishi oqibatida 23 kishi qurbon bo‘ldi

Rossiya mudofaa vazirligi Omsk viloyatidagi kazarma binosi qulashi natijasida 23 kishi halok bo‘lganini ma’lum qildi, deb yozadi “Gazeta.ru”.

Idora ma’lumotlariga ko‘ra, xarobalar ostida qolib ketgan 42 harbiyning barchasi topilgan, ulardan 23 nafari nobud bo‘lgan.

Eslatib o‘tamiz, 12-iyul kuni Omsk tashqarisidagi havo-desant qo‘shinlari 242-o‘quv markazi kazarmasida ikkinchi qavat shifti qulab tushgan edi.