AQSh Kongressi yuqori palatasi boshqa bandlar bilan bir qatorda Ukrainaga qurol yetkazib berish va ushbu mamlakatga boshqa harbiy ko‘mak berishni nazarda tutuvchi mudofaa byudjetini ma’qulladi, deya xabar bermoqda Meduza.
Senat ovoz bergan mudofaa byudjeti shuningdek, harbiy bazalar sonini kamaytirish bo‘yicha navbatdagi bosqichni bekor qilishni ko‘zda tutadi va Guantanamodagi terrorchilikda gumonlanuvchilar qamoqxonasini yopishni qiyinlashtiradi.
Avvalroq AQSh Kongressining Vakillar palatasi o‘z mudofaa byudjeti loyihasini qabul qilgan edi. Endi yuqori va quyi palatalar hujjatning AQSh prezidenti Barak Obamaga imzolash uchun jo‘natiladigan murosaga keltirilgan variantini ishlab chiqishi kerak.
Izoh (0)