Belgiya ketidan, YuKOS sobiq aksiyadorlari da’volari bo‘yicha Rossiya aktivlarini xatlash haqida Fransiya ham qaror qabul qildi. Bu haqda kompaniya aksiyadorlariga yaqin bo‘lgan manbasiga tayanib, Forbes xabar berdi, deb yozadi Meduza.
Rossiya prezidenti yordamchisi Andrey Belousov: “Biz Fransiya, Belgiya va boshqa mamlakatlardagi bunday qarorlarga e’tiroz bilan chiqamiz”, — deya ushbu axborotni tasdiqladi.
Eslatib o‘tamiz, avvalroq Gaaga arbitrajining Yukos Universal Limited da’vosi bo‘yicha hukmi asosida Belgiya sud nozirlari mamlakatdagi Rossiyaning davlat aktivlarini xatlagani xabar berilgan edi.
Xatlash ushbu sudning 2014-yil 18-iyuldagi qarori bo‘yicha amalga oshirilgan. Unga ko‘ra, Rossiya YuKOS sobiq egalariga 50 milliard dollar to‘lashi kerak.
2006-yilda Moskva hakamlar sudi soliq organi arizasi bilan YuKOSni bankrot deb e’lon qilgan, uning asosiy aktivlari “Rosneft”ga o‘tgan edi. YuKOS sobiq aksiyadorlari Gaaga sudiga murojaat qilib, kompaniya majburan tortib olingani uchun tovon puli talab qilgan.
Izoh (0)