Qozog‘istonning Qarag‘andi viloyatidagi Shaxtinks shahrida yashovchi 40 yoshli erkak o‘z uyi tomida antennani to‘g‘irlayotganida vafot etdi. Voqea joyiga yetib kelgan shifokorlar o‘lim yashin urishi natijasida sodir bo‘lganligini taxmin qilmoqda, deb xabar beradi “Nur.kz”.
Fojia kuni shaharda momaqaldiroq bo‘lib, sharros yomg‘ir yog‘gan.
Jala tinganidan keyin erkak onasining dachasiga kelgan. Onasining iltimosiga ko‘ra tomga chiqib antennani to‘g‘irlayotganida uni kuchli tok urgan.
Erkak tomdan qulashidan oldin uning qo‘shnisi qarsillashga o‘xshash ovoz eshitgan. Ko‘chada o‘ynayotgan bolalar uy ustida chaqmoq chaqnaganini aytgan. Boshqa qo‘shnilar uy yaqinida yuqori voltli elektr simlari o‘tganiga ishora qildi.
Izoh (0)