Shimoliy koreyalik askar dushanba kuni KXDR va Janubiy Koreya o‘rtasidagi qurolsizlantirilgan zonani kesib o‘tib, boshpana so‘radi. Bu haqda, Janubiy Koreya hukumatiga asoslanib, “RIA Novosti” xabar bermoqda.
Hozirgi vaqtda shimoliy koreyalik qochoq askarning shaxsi tekshirilmoqda. Qayd etishlaricha, 4 kilometr kenglikdagi kimsasiz hudud – qurolsizlantirilgan zonani piyoda kesib o‘tgan.
Kuni kecha Janubiy Koreya tomoni KXDR o‘z fuqarolarining yarimorolning janubiy qismiga qochib o‘tishlarini oldini olish maqsadida qurolsizlantirilgan zona ostonasini qo‘shimcha ravishda minalashtirayotgani haqida xabar bergandi.
KXDR harbiylari oxirgi marta 2012-yili Janubiy Koreyaga qochib o‘tishgandi – o‘sha yili uch nafar shimoliy koreyalik harbiy KXDRni tashlab qochgan.
Izoh (0)