Шимолий кореялик аскар душанба куни КХДР ва Жанубий Корея ўртасидаги қуролсизлантирилган зонани кесиб ўтиб, бошпана сўради. Бу ҳақда, Жанубий Корея ҳукуматига асосланиб, «РИА Новости» хабар бермоқда.
Ҳозирги вақтда шимолий кореялик қочоқ аскарнинг шахси текширилмоқда. Қайд этишларича, 4 километр кенгликдаги кимсасиз ҳудуд – қуролсизлантирилган зонани пиёда кесиб ўтган.
Куни кеча Жанубий Корея томони КХДР ўз фуқароларининг яриморолнинг жанубий қисмига қочиб ўтишларини олдини олиш мақсадида қуролсизлантирилган зона остонасини қўшимча равишда миналаштираётгани ҳақида хабар берганди.
КХДР ҳарбийлари охирги марта 2012 йили Жанубий Кореяга қочиб ўтишганди – ўша йили уч нафар шимолий кореялик ҳарбий КХДРни ташлаб қочган.
Изоҳ (0)