Ispaniyaning El Mundo nashri FIFA prezidenti Zepp Blatterning “barcha ayollari” ro‘yxatini e’lon qildi. Korrespondent.net’ning xabar berishicha, ushbu ayollar ro‘yxatidan kutilmaganda Krishtianu Ronalduning sobiq ma’shuqasi, rossiyalik model Irina Sheyk ham o‘rin oldi.
Manbaning so‘zlariga ko‘ra, 79 yoshli Blatter 2013-yili, polshalik tennischi Ilona Bogutska bilan ajrashib, hozirgi umr yo‘ldoshi Linda Barrasni uchratgunicha, qisqa muddat davomida Irina Sheyk bilan ishqiy munosabatlarga kirishgan.
Qayd etish joiz, Blatter ko‘p ayollar bilan sevishgan bo‘lsa-da, faqatgina birinchi – Lilian Biner Korinna bilan bo‘lgan nikohidan yagona qiz farzandini ko‘rgan.
Eslatib o‘tamiz, 2-iyun kuni Zepp Blatter favqulodda matbuot anjumani o‘tkazib, 1998-yildan beri egallab kelayotgani FIFA prezidenti o‘rnini bo‘shatishini e’lon qildi. Vaholanki, 29-may kuni u yangi besh yillik muddatga qayta saylangan edi.
Izoh (0)