Angliyalik erkak Ginnes rekordini o‘rnatganidan so‘ng shifoxonaga tushdi

Angliyaning Dagenem shahrida yashovchi Jeyson Brinklet uzoq vaqt baraban chalish bo‘yicha Ginnes rekordini o‘rnatganidan so‘ng shifoxonaga tushib qoldi, deb xabar beradi “Nur.kz”.

44 yoshli erkak 12 soat-u 5 daqiqa va 5 soniya zarbli cholg‘u asbobini chalgan.

Rekord qayd etilishi bilan Brinklet bilagini his qilmayotganini bildirdi. Shifokorlar uning qo‘li shikastlanganini qayd etdi. Rekordchi baraban chalishni boshlaganidan 8 soat o‘tgach, og‘riqni his qilganini, biroq chekinishni istamaganini ta’kidladi.

Baraban chalish bo‘yicha avvalgi rekord 2013-yilda filippinlik Jastin Daniel Ardega tegishli edi. Uning ko‘rsatkichi 12 soat-u 3 soniyani tashkil qilgandi.