Bugun,

  • USD 11095.31
  • RUB 173.84
  • EUR 10772.44

Nepaldagi yer silkinishidan so‘ng izsiz yo‘qolgan Yevropa ittifoqi fuqarolari soni taxminan ming kishini tashkil qiladi, deb xabar beradi “Liga.Novosti”.

Foto: ibtimes.co.uk

Foto: ibtimes.co.uk

YeIning Nepaldagi vakili Rensje Teyerinkaning so‘zlariga ko‘ra, yo‘qolganlarning katta qismi Everest cho‘qqisiga yo‘l olgan yoki tog‘li tumanlardan biri Langtangda bo‘lishi mumkin.

Yer silkinishi tog‘ cho‘qqilarini zabt etish mavsumining avjiga to‘g‘ri keldi. Hozirgacha Yevropa ittifoqining 12 fuqarosi hayotdan ko‘z yumgani ma’lum. Ularning aksariyati zilziladan so‘ng yuzaga kelgan qor ko‘chkisida halok bo‘lgan.

Bundan tashqari, o‘z mamlakati elchixonasini ogohlantirmasdan Nepalga keluvchi “yovvoyi” sayyohlar ham ko‘pchilikni tashkil qiladi. Bu ham o‘z navbatida ularni qidirish ishlarini murakkablashtiradi.

Hozirda minglab nepalliklarning ham taqdiri noma’lumligicha qolmoqda. Nepal hukumati hisobiga ko‘ra, zilzila natijasida halok bo‘lganlar soni 10 mingga yetishi mumkin.

Eslatib o‘tamiz, Nepalda 25-aprel kuni 7,9 magnitudali yer silkinishi sodir bo‘ldi. Epitsentri mamlakat poytaxtidan 82 kilometr uzoqlikda bo‘lgan zilziladan keyin bir nechta aftershoklar kuzatildi. Takroriy zilzilalarning eng kuchlisi 6,7 magnituda bo‘ldi.

Avvalroq Favqulodda vaziyatlar bo‘yicha milliy markaz zilzilaning 138 mingdan ortiq uy va 10 mingdan ziyod hukumat muassasalari binolarini butunlay vayron qilganini xabar bergan edi. Yana 120 mingta uy va 13 mingta hukumat tashkilotlariga turli darajada zarar yetgan. Zilziladan keyingi qayta tiklash ishlari uchun mamlakatga 2 milliard dollar zarur bo‘ladi.

Izoh
Asosiy yangiliklar
Mahalliy
Saudiyalik tadbirkor O‘zbekistonda avtomashina ehtiyot qismlari ishlab chiqarishga sarmoya kiritadi 
Mahalliy
1000 dollar oylik olayotgan oʻqituvchilar, 1 mln nafardan oshgan talabalar, yangi qurilgan 27 ta TTJ — oliy taʼlim vaziri oʻrinbosari Komiljon Karimov bilan ekskly...
Mahalliy
Toshkentda 3 ta mashina ishtirokida YTH sodir bo‘ldi