Beeline mobil aloqa operatori Opera Mini brauzerining faoliyati bo‘yicha hech qanday cheklov qo‘ymagan. Bu haqda kompaniya vakillari “Daryo”ga ma’lum qildi.
“Hurmatli abonentlar! So‘nggi payt mobaynida biz mobil tarmoqlarida Opera Mini dasturi ishlamayotganligi haqida ko‘p shikoyatlarni ro‘yxatga olmoqdamiz. Sizga shuni ma’lum qilamizki, kompaniyamiz mazkur internet-brauzerning faoliyati bo‘yicha hech qanday cheklovlar qo‘ymagan”, — deyiladi xabarda.
“Shunday muammoga duch kelgan bo‘lsangiz, bu vaziyat hal qilingunicha mobil Internetning sifatli faoliyati uchun boshqa muqobil brauzerlardan foydalanishingizni tavsiya etamiz. O‘z navbatida biz Opera vakillari bilan ushbu muammo bo‘yicha muzokaralar olib bormoqdamiz” − deb qo‘shimcha qildi kompaniya vakillari.
Izoh (0)