Qashqadaryo viloyatida paxta chigitini noqonuniy tarzda qayta ishlash bilan shug‘ullanayotgan sexlar fosh etildi

Yashirin faoliyat bilan shug‘ullanuvchi shaxslarni fosh qilish maqsadida Qashqadaryo viloyatida o‘tkazilgan tadbirda Mirishkor tumanida yashovchi fuqaro uyida paxta chigitini qayta ishlash bilan shug‘ullanib kelayotganligi aniqlandi. Bu haqda “Huquq” gazetasi xabar bermoqda.

Uy ko‘zdan kechirilganda 1200 kilogramm chigit, 1000 kilogramm kunjara, 500 litr juvoz yog‘i va boshqa 4 million 688 ming so‘mlik turli mahsulotlar topildi.

Bu huquqbuzarning jiyani ham o‘z uyida qo‘lbola usulda chigitdan yog‘ ishlab chiqaryotgani aniqlandi. Tadbir davomida uydan juvoz uskunasi, 50 litr paxta yog‘i, 200 kilogramm chigit va 1 million 934 ming so‘mlik boshqa tovar-moddiy boyliklar olib qo‘yildi.

Qonunbuzarlarga nisbatan sud tomonidan tegishli jazo tayinlandi.