Professional boksning yarim o‘rta vazn toifasida faoliyatini olib borayotgan o‘zbekistonlik Sherzod Olimjonov o‘zining professional ringdagi 25-jangini o‘tkazdi, deb xabar bermoqda “Olamsport”. AQShning Mashantaket shahri “Foksvud Kazino Rezort” arenasida bo‘lib o‘tgan jangda Olimjonov amerikalik Rey Robinsonga qarshi ringga ko‘tarildi.
Ushbu jang yarim o‘rta vazn toifasi WBO NABO chempionlik kamari uchun kechdi. Afsuski, Ken Ezzo boshqargan va 10 raundga mo‘ljallangan jangda Sherzod Olimjonov 90-99, 89-100 va 91-98 hisobida raqibiga imkoniyatni boy berib qo‘ydi.
Ayni paytda o‘zbekistonlik 25 jangidan 22 tasida zafar quchgan. Nokautlar soni 13 tani tashkil etadi. Mag‘lubiyatlari esa uchtaga yetdi. Rey Robinson hisobidagi g‘alabalar soni 20 taga yetdi. Mag‘lubiyatlari ikkita, nokaut bilan qozongan g‘alabalari esa 9 taligicha qoldi.
Izoh (0)