10-aprel kuni O‘zbekiston Shaxmat federatsiyasi binosida rossiyalik grossmeyster Sergey Grigoryans “O‘yin taronasi” loyihasi doirasida poytaxtdagi maktab-internatlarda tarbiyalanuvchi imkoniyati cheklangan bolalar bilan shaxmat o‘yini olib bordi. Bu haqda “Gazeta.uz” xabar bermoqda.
Asli toshkentlik Sergey Grigoryans biryo‘la 22 ta taxtada olib borilgan seans natijalariga ko‘ra, barcha yosh shaxmatchilar munosib ravishda kurashganini ta’kidladi.
Tadbir Moskvadagi “Iste’dodlar mamlakati” xayriya jamg‘armasi tomonidan tashkillashtirildi. Unga shuningdek, tadbirkor Davronbek Ibrohimov hamkorlik qildi.
Izoh (0)