“Barselona” futbol klubi va Braziliya terma jamoasi hujumchisi Neymarning xotiniga doyalik qilgan shifokor Gerbert Kramer futbolchidan 13 ming yevro undirib berishlarini so‘rab, sudga murojaat qidi. Bu haqda Sport.es xabar bermoqda.
Kramerning so‘zlariga ko‘ra, futbolchining turmush o‘rtog‘i Karol Dantasni deb u o‘z rejalarini jiddiy o‘zgartirishga majbur bo‘lgan. Tug‘uruq vaqtida ayolga qo‘shimcha tibbiy yordam ko‘rsatishga to‘g‘ri kelgan.
Shu sababli Kramer bir necha kunga o‘zining xususiy amaliyotidan voz kechib, yana bir shifokor va hamshirani yollashiga to‘g‘ri kelgan. U to‘rt kun davomida braziliyalik hujumchi va uning xotini ixtiyorida bo‘lgan.
Bundan tashqari, Kramerning qayd etishicha, Neymarning o‘g‘li Lukas homiladorlikning 37-haftasida tug‘ilgan, shu sababli unga ham alohida e’tibor ko‘rsatish kerak bo‘lgan.
Shularni e’tiborga olib, shifokor qo‘shimcha kompensatsiya puli to‘lanishini talab qilib, Neymarni sudga bergan. Futbolchining bunga munosabati hozircha noma’lum.
Neymar 2011-yilning avgustida ota bo‘lgandi. O‘yinchi o‘sha vaqtda 19 yoshda, uning turmush o‘rtog‘i esa 17 yoshda edi.
Izoh (0)