UEFA tashkiloti Yevropaning barcha yulduzlari ishtirokidagi o‘yinlarni tashkil qilish loyihasi ustida ishlamoqda, deb xabar beradi Uff.uz.
Basketbol, xokkey kabi sport turlarida tashkil etiladigan bunday o‘yinlar endilikda futbolda ham amalga oshirilishi mumkin. Bunda Yevropaning top chempionatlarida ishtirok etayotgan yulduzlar ikki – Shimoliy va Janubiy jamoaga bo‘linib, o‘zaro to‘p surishlari kutilmoqda.
Shunda Shimol terma jamoasiga Angliya, Germaniya, Rossiya chempionatlari, Janub termasiga esa Italiya, Ispaniya, Fransiya chempionatlari vakillari kiritiladi.
Agar mazkur loyiha amalga oshsa, Lionel Messi va Krishtianu Ronaldu kabi zamonaviy futbolning ikki eng asosiy yulduzi bitta jamoada to‘p surishi mumkin bo‘ladi.
Mazkur Yulduzlar o‘yini 2017-yil tashkil etilishi rejalashtirilgan.
Izoh (0)