Germaniyaning Allianz sug‘urta konserni hisob-kitoblariga ko‘ra, Fransiyada Germanwings aviakompaniyasining yo‘lovchi layneri halokati sug‘urtachilarga taxminan 300 million dollarga tushadi. Bu haqda o‘z manbasiga tayanib, Reuters xabar bermoqda, deb yozadi “RBK”.
27-mart, juma kuni Lufthansa aviakompaniyasi (Germanwings uning shu’basi) halokatga uchragan Airbus A320 qurbonlari qarindoshlariga 50 ming yevrogacha tovon puli to‘lashga tayyorligini bildirgan edi.
Eslatib o‘tamiz, 24-mart kuni Barselonadan Dyusseldorfga parvoz qilayotgan Airbus A320 samolyoti Fransiya janubida, Alp tog‘lari ustida halokatga uchrashi oqibatida layner bortida bo‘lgan 150 kishining barchasi halok bo‘lgan edi.
Izoh (0)