Butunjahon boks seriyasi (WSB) doirasida beshinchi mavsumning navbatdagi janglari o‘tkazildi, deb xabar beradi “Olamsport.com”.

O‘zbekistonlik ikki nafar bokschimiz – Xasanboy Do‘smatov va Xurshid Normatov faoliyat yuritayotgan “Ukraina atamanlari” jamoasi bu safar Kasablanka shahrida Marokashning “Marokash sherlari” jamoasiga qarshi ringga ko‘tarildi.

Bu gal “Atamanlar” mezbonlarga 2:3 hisobida imkoniyatni boy berdi. Garchi har ikki o‘zbekistonlik bokschi ham o‘z janglarini g‘alaba bilan yakunlagan bo‘lsa-da, bu umumiy g‘alaba uchun kamlik qildi. “Ukraina atamanlari” jamoasining qolgan bokschilari mag‘lubiyat alamini totib ko‘rdi.