Malayziya Senati prezidenti o‘rinbosari Doris Sofiya Ak Brodi O‘zbekistonda Prezident saylovi milliy qonunchilik doirasida va jahon andozalariga mos ravishda ochiq-oshkora o‘tayotganligini ta’kidladi, deb yozadi O‘zA.
“Saylovchilar erta tongdan ovoz bera boshladi. Bunga men Toshkentdagi 160-saylov uchastkasida ovoz berish jarayonini kuzatish asnosida amin bo‘ldim, — dedi u. — Uchastkalarda saylovchilarni ro‘yxatga olish tartibli tashkillashtirilgani e’tiborimni tortdi. Nogironlar, saylovga kelolmaydigan kishilar uchun ularning xonadonlarida ovoz berish tashkil etilgani ham diqqatga sazovor. Bu insonparvarlikning amaldagi ifodasi bo‘lishi bilan birga, har bir fuqaroning saylash huquqini ta’minlashga qaratilayotgan e’tibor namunasidir”.
Doris Sofiya Ak Brodi saylov uchastkalarida siyosiy partiyalarning vakillari va kuzatuvchilar, jurnalistlar uchun barcha shart-sharoit yaratilgani, tibbiy xizmat, onalar va bolalar xonalarining tashkil etilgani, saylovga bunday puxta tayyorgarlik ko‘rilgani, har qanday holat hisobga olinganini alohida qayd etdi.
Izoh (0)