AAA Foundation for Traffic Safety (Yo‘l harakati xavfsizligi fondi) keng ko‘lamli tadqiqot natijalarini e’lon qildi, deya xabar bermoqda TJournal. Uning doirasida avariyalarning asosiy sabablarini aniqlash maqsadida yosh haydovchilardan salonlarga qo‘shimcha videokameralar o‘rnatish so‘ralgan edi.
Tajriba uchun muayyan miqdordagi 16—19 yoshli o‘smirlar avtomobillariga ikkitadan — mashina ichiga va tashqarisiga kameralar o‘rnatildi. Shu tariqa tadqiqotchilar 1700 ta to‘qnashuv, yo‘ldan otilib ketish va boshqa yo‘l hodisalarini kameraga muhrlashga muvaffaq bo‘ldi.
Olingan videoyozuvlardan rolik tayyorlandi, u ijtimoiy reklama sifatida foydalaniladi. Unda avariyagacha bo‘lgan bir necha soniya vaqt ko‘rsatiladi. Rolikda ushbu lahzalarda haydovchilar kosmetika, radio yoki smartfon tufayli yo‘ldan chalg‘iganini ko‘rish mumkin.
Xavfning asosiy manbasi mobil telefon emas (hodisalarning 12 foizi) balki salondagi yo‘lovchilar bo‘ldi — ular tufayli o‘rganilgan halokatlarning 15 foizi ro‘y berdi.
Izoh (0)