Facebook ma’muriyati ba’zi OAVlarga o‘z maqolalarini to‘g‘ridan-to‘g‘ri ijtimoiy tarmoqqa joylashni taklif qildi, deya xabar bermoqda “Korrespondent.net”. Bunday kelishuv manfaatliroq bo‘lishi uchun, kompaniya maqolalar ichiga joylashtiriladigan reklamalardan tushgan mablag‘ni ularga berish masalasini muhokama qilmoqda. Yaqin orada kelishuvni Britaniyaning The Times gazetasi imzolashi mumkin.
Biroq barcha nashrlar ham kompaniya taklifini tashabbuskorlik bilan qabul qilmadi. Masalan, The Guardian mateariallardagi reklamani faqat nashrning o‘zigina nazorat qilishi kerak deb hisoblaydi. The Huffington Post va Quartz iqtisodiy sayti buni muhokama qilib ham o‘tirmadi.
SimpleReach tahliliy kompaniyasi direktori so‘zlariga ko‘ra, masala ancha murakkabdir, chunki so‘nggi paytlarda ko‘plab OAVlar ijtimoiy tarmoq orqali bo‘ladigan kiruvchi trafikni yo‘qota boshladi: oxirgi vaqtlarda Facebook videomateriallarni afzal ko‘rmoqda.
Izoh (0)