Nyu-Yorkning Cantor Fitzgerald broker firmasi Apple aksiyalari narxi bo‘yicha prognozini 160 dollardan 180 dollargacha oshirdi, bu muomaladagi aksiyalarning joriy sonini hisobga olganda kompaniyaga 1,05 trillion dollar miqdorida bozor kapitalizatsiyasini beradi. Bu haqda “RBK” xabar bermoqda.
Firma tahlilchisi Brayan Uayt bunday optimistik prognozni Apple’ning Xitoy bozoridagi muvaffaqiyati va yaqin orada Apple Watch aqlli soatlarini ishlab chiqarishning yo‘lga qo‘yilishi bilan bog‘ladi. Apple’ning “Katta Xitoy” (XXR, Gonkong, Tayvan)dagi sotuvlari 2014-yil 27-dekabrda yakunlangan moliyaviy chorakda yil hisobida 70 foizga — 16,1 milliard dollargacha o‘sdi.
Bundan tashqari, Cantor Fitzgerald hisob-kitoblariga ko‘ra, Apple Watch bozorga chiqarilgach, bir yil ichida 20,6 millionta nusxa sotiladi.
Izoh (0)