O‘zbekiston olimpiya terma jamoasi “Olmaliq”dan mag‘lubiyatga uchradi
O‘zbekiston Olimpiya terma jamoasi shu yilning 23-31-mart kunlari Bangladeshda bo‘lib o‘tadigan Osiyo chempionatiga saralash musobaqasiga tayyorlanish maqsadida 7-mart kuni Olmaliqning “Olmaliq” klubiga qarshi o‘rtoqlik uchrashuvi o‘tkazdi. Bu haqda “Uff.uz” xabar bermoqda.
Baxtiyor Ashurmatov boshchilik qilayotgan Olimpiya terma jamoasi “Jar” sport majmuasining zaxira futbol maydonida o‘tkazilgan o‘rtoqlik uchrashuvida kichik 0:1 hisobida mag‘lub bo‘ldi. Uchrashuvdagi yagona gol o‘yinning 35-daqiqasida “Olmaliq”ning moldovalik futbolchisi Adrian Kashkaval tomonidan kiritildi.
Nazorat uchrashuvi
O‘zbekiston Olimpiya terma jamoasi - “Olmaliq” (Olmaliq) 0:1
Gol: A. Kashkaval (35)
Olimpiya terma jamoasi yig‘iniga jalb qilingan futbolchilar ro‘yxati:
- Abror Karimov (“Lokomotiv”)
- Xurshid Muxtorov (“Qo‘qon-1912”)
- Javlon Mirabdullayev (“Metallurg”)
- Abdulloh Olimov (“Neftchi”)
- Muhsin Ubaydullayev (“Neftchi”)
- Nikita Pavlenko (“Olmaliq”)
- Sardor Sobirxo‘jayev (“Bunyodkor”)
- Javohir Rasulov (“Neftchi”)
- Shohnazar Norbekov (“Metallurg”)
- Islom Isoqjonov (“Olmaliq”)
- Temur Ayupov (“Bunyodkor”)
- Sergey Smorodin (“Neftchi”)
- Maksimilian Fomin (“Dinamo”)
- Xasan Asqarov (“Buxoro”)
- Jasur Hakimov (“Sug‘diyona”)
- Iskandar Shayqulov (“Paxtakor”)
- Quvondiq Ro‘ziyev (“Qo‘qon-1912”)
- Ikrom Aliboyev (“Lokomotiv”)
