Bugun, 9-mart kuni San-Fransiskodagi taqdimotda Apple kompaniyasi yangi 12 dyuymli MacBook noutbukini namoyish etdi, deya xabar bermoqda TJournal. Unda barcha tashqi portlardan voz kechilib, ular o‘rniga USB Type-C konnektori o‘rnatildi.
Avvalgi modeldan farqli ravishda, yangi MacBook tachpadi “klik” bilan bosilmaydi. Bundan tashqari, klaviaturani yoritishning yangi tizimi paydo bo‘ldi: endi har bir tugmachada alohida LED mavjud.
12 dyuymli MacBook tillarang, to‘q kulrang va kumushrang tuslarda chiqariladi. Apple vakillari so‘zlariga ko‘ra, bir marta olingan zaryad MacBook’ka 9 soat veb-syorfing yoki 10 soat musiqa eshitish uchun yetarli bo‘ladi.
Izoh (0)