“Nasaf” va “Traktorsoziy” jamoalari o‘rtasidagi o‘yindagi keyingi matbuot anjumanining ikkinchi qismida qarshiliklar bosh murabbiyi Ro‘ziqul Berdiyev ishtirok etdi, deb xabar bermoqda “Stadion.uz”.
— Barchani g‘alaba bilan tabriklayman. OChLda oson o‘yin bo‘lmaydi. Asosiysi biz g‘alabaga erishdik. Futbolchilarimiz xarakter ko‘rsatishdi. Bunday yigitlar bilan faxrlanaman. Bugungi g‘alaba futbolchilarniki, ular xarakter ko‘rsatishdi.
— Ikkinchi bo‘lim oldidan qanday sehrli so‘zlar aytdingiz?
— Birinchi bo‘limda bolalarda hayajon bo‘ldi. Tanaffusda imkoniyatdan foydalanish kerakligini ta’kidladim.
— Koblashning o‘yini chiqmadi?
— To‘g‘ri, u jamoaga birdan kirishib ketishi qiyin kechdi. Umid qilaman, keyinchalik jamoaga kirishib ketadi. Koblash shunday bo‘lsada raqib himoyachilarini qiynab qo‘ydi.
– Bahrom Abdurahimovni muxlislar maydonda ko‘rishni istashgandi?
— Bahrom Abdurahimov va Ilhom Yunusov texnikaga tayanib harakat qiladigan futbolchilar hisoblanishadi. Bugungi o‘yinda jismoniy baquvvat o‘yinchilardan foydalandim.
— Uchta markaziy hujumchi sxemasidan ham foydalanishni rejalashtirganmisiz?
— Futbolchilarni ampluasiga ko‘ra qaydnomaga kiritilgani bilan o‘yin davomida almashib harakatlanishadi.
— Odil Hamrobekov yosh bo‘lishiga qaramasdan bugun yuqori saviyada o‘ynadi. Uning harakatlari haqida fikringiz?
– Uning harakatlaridan o‘zim ham qoniqdim. Ishonamanki, u jamoaning eng ishonchli figuralaridan biri bo‘lib yetishadi.
Izoh (0)