«Насаф» ва «Тракторсозий» жамоалари ўртасидаги ўйиндаги кейинги матбуот анжуманининг иккинчи қисмида қаршиликлар бош мураббийи Рўзиқул Бердиев иштирок этди, деб хабар бермоқда «Stadion.uz».
— Барчани ғалаба билан табриклайман. ОЧЛда осон ўйин бўлмайди. Асосийси биз ғалабага эришдик. Футболчиларимиз характер кўрсатишди. Бундай йигитлар билан фахрланаман. Бугунги ғалаба футболчиларники, улар характер кўрсатишди.
— Иккинчи бўлим олдидан қандай сеҳрли сўзлар айтдингиз?
— Биринчи бўлимда болаларда ҳаяжон бўлди. Танаффусда имкониятдан фойдаланиш кераклигини таъкидладим.
— Коблашнинг ўйини чиқмади?
— Тўғри, у жамоага бирдан киришиб кетиши қийин кечди. Умид қиламан, кейинчалик жамоага киришиб кетади. Коблаш шундай бўлсада рақиб ҳимоячиларини қийнаб қўйди.
– Баҳром Абдураҳимовни мухлислар майдонда кўришни исташганди?
— Баҳром Абдураҳимов ва Илҳом Юнусов техникага таяниб ҳаракат қиладиган футболчилар ҳисобланишади. Бугунги ўйинда жисмоний бақувват ўйинчилардан фойдаландим.
— Учта марказий ҳужумчи схемасидан ҳам фойдаланишни режалаштирганмисиз?
— Футболчиларни амплуасига кўра қайдномага киритилгани билан ўйин давомида алмашиб ҳаракатланишади.
— Одил Ҳамробеков ёш бўлишига қарамасдан бугун юқори савияда ўйнади. Унинг ҳаракатлари ҳақида фикрингиз?
– Унинг ҳаракатларидан ўзим ҳам қониқдим. Ишонаманки, у жамоанинг энг ишончли фигураларидан бири бўлиб етишади.
Изоҳ (0)