Har yili TMF Group xalqaro kompaniyasi har yili o‘ziningn Global Benchmark Complexy Index Report hisobotida biznes yuritish uchun eng yaxshi mamlakatlar reytingini e’lon qiladi, deb xabar bermoqda “Vesti Ekonomika”. E’tiboringizga reytingning dastlabki o‘nligi vakillarini havola etamiz.
10. Yangi Zelandiya
Yangi Zelandiyada biznesni boshlash uchun 1 sutkadan kam vaqt ketadi.
9. Barbados
Plyajlari va shaffof suvlari bilan mashhur bo‘lgan Barbados xalqaro moliyaviy markazlardan ham biridir.
8. Buyuk Britaniya
Buyuk Britaniya Yevropa Ittifoqi a’zosi hisoblanadi, biroq yevrozonaga kirmaydi. London jahonning eng yirik moliyaviy markazlaridan biridir.
7. Gernsi oroli
La Mansh bo‘g‘ozidagi kichik orol texnik jihatdan Buyuk Britaniyaga tegishli emas, “Britaniya tojiga” qarashli. Ushbu orol xavfsiz hudud sifatida xalqaro kompaniyalarni o‘ziga tortib keladi. Bu yerda boylikka, sotuvga va kapital oshishiga soliq yo‘q.
6. Avstraliya
So‘nggi 10 yil ichida Avstraliya bojni ikki baravardan ko‘proqqa oshirib, korporativ soliqni eng past darajalardan biriga olib keldi.
5.Puerto-Riko
Puerto-Riko AQShga qaram hudud bo‘lganiga qaramay, o‘z soliq tizimiga ega. Shu sababli eng past soliq stavkalarini o‘rnatib olgan.
4. Bonayre oroli
Karib dengizidagi bu orol rasman Niderlandiyaga qarashli. 2011-yilda orol soliq tizimini qayta ko‘rib chiqib, ko‘plab imtiyozlar joriy qilingan.
3. Irlandiya
Soliq stavkalari pastligi bois Irlandiya ko‘plab Yevropa kompaniyalarini o‘ziga jalb qiladi. Google, Facebook va PayPal singari kompaniyalarning shtab-kvartirasi daromad solig‘i 25 foizni tashkil etuvchi Dublinda joylashgan. Rivojlangan davlatlarda bu ko‘rsatkich o‘rtacha 41 foizga teng.
2. Gonkong
Xitoy tarkibiga kirsa ham, Gonkong o‘z soliq siyosatiga ega. Gonkong qurilishga ruxsatnoma olish bo‘yicha eng yaxshi davlat hisoblanadi.
1. Jersi oroli
La Mansh bo‘g‘ozidagi eng yirik orol bo‘lgan Jersi ham Britaniya tojiga tegishli. Bu yerda qo‘shimcha qiymat solig‘i ham, korporativ soliq ham yo‘q.
Izoh (0)