Mart oyida Yevroittifoq Rossiyaga qarshi sanksiyalarni yana yarim yilga uzaytiradi, deya xabar bermoqda “RBK” YeI tarkibiga kiruvchi mamlakatlar tashqi ishlar vazirlarining 29-yanvar kuni bo‘lib o‘tadigan favqulodda uchrashuvi yakunlari bo‘yicha qaror loyihasiga tayanib.
Bo‘lajak majlisda rossiyalik jismoniy va yuridik shaxslarga nisbatan shaxsiy sanksiyalarni kengaytirish haqida ham qaror qabul qilinishi kutilmoqda.
Davlat kotibi yordamchisi Viktoriya Nuland aytishicha, AQSh va Yevroittifoq Rossiya iqtisodiyotining texnologiya, energetika, harbiy va bank sektorlariga taalluqli yangi sanksiyalarni qabul qilmoqchi.
YeI bunday choralar ko‘rilishiga Ukrainadagi vaziyatning ancha yomonlashgani sabab bo‘lganini ta’kidladi.
Izoh (0)