Hindiston shimolidagi temir yo‘lda yaqinlashib kelayotgan poyezd fonida selfi olmoqchi bo‘lgan uch talaba halok bo‘ldi, deya xabar berdi “TASS”. Hodisa 26-yanvar, dushanba kuni ertalab — butun mamlakat Respublika kunini nishonlayotgan bir paytda Uttar-Pradesh shtatida sodir bo‘ldi.
Agra shahriga Tojmahal maqbarasini ziyorat qilish uchun poytaxtdan kelgan to‘rt do‘st esda qolarli surat tushirishga qaror qiladi. Buning uchun ularning uch nafari poyezd yaqinlashayotganini ko‘rishi bilan temir yo‘lga chiqib, selfi ola boshlaydi. Oshnalarning to‘rtinchisi ularni chetdan suratga tushiradi. Ular selfi olishga shunchalik berilib ketadiki, poyezd yetib kelganida relsdan chetga chiqishga ulgurmay qoladi.
Izoh (0)