Ҳиндистон шимолидаги темир йўлда яқинлашиб келаётган поезд фонида селфи олмоқчи бўлган уч талаба ҳалок бўлди, дея хабар берди ТАСС. Ҳодиса 26 январь, душанба куни эрталаб — бутун мамлакат Республика кунини нишонлаётган бир пайтда Уттар-Прадеш штатида содир бўлди.
Агра шаҳрига Тожмаҳал мақбарасини зиёрат қилиш учун пойтахтдан келган тўрт дўст эсда қоларли сурат туширишга қарор қилади. Бунинг учун уларнинг уч нафари поезд яқинлашаётганини кўриши билан темир йўлга чиқиб, селфи ола бошлайди. Ошналарнинг тўртинчиси уларни четдан суратга туширади. Улар селфи олишга шунчалик берилиб кетадики, поезд етиб келганида рельсдан четга чиқишга улгурмай қолади.
Изоҳ (0)