Osiyo kubogi guruh bosqichi 3-turidan o‘rin olgan “B” guruhi o‘yinlari o‘z yakuniga yetdi. O‘zbekiston terma jamoasi Saudiya Arabistonini mag‘lubiyatga uchratib chorak final yo‘llanmasini qo’lga kiritdi.
Ikkinchi daqiqada Sardor Rashidov tomonidan kiritilgan tezkor gol birinchi bo’limdagi kichik ustunlikni ta’minlab berdi.
Ikkinchi bo‘limda esa Benjamin Uilyams O‘zbekiston terma jamoasi darvozasiga penalti belgiladi. Al Sahlavi 11 metrlik nuqtadan aniq zarba berib hisobni tenglshtirdi. Biroq vakillarimiz tez orada yana oldinga chiqib oldi. Shavkat Mullajonov qanotdan yetkazib bergan to‘pni zahiradan maydonga tushgan Vohid Shodiyev darvozaga joyladi.
Shundan keyin saudiyaliklar hujumga berilib ketdi. Buni esa vakillarimiz tez orada jazoladi. Jasur Hasanov Sardor Rashidovni to‘p bilan ta’minladi, Sardor esa vaziyatni ko‘kka sovurmadi. 3 :1. Shu tariqa O‘zbekiston terma jamoasi 22-yanvar kuni Janubiy Koreya terma jamoasiga qarshi chorak finalda maydonga tushadigan bo‘ldi.
Guruhda hech narsani hal qilmaydigan ikkinchi o‘yinda esa Xitoy Shimoliy Koreyadan 2:1 hisobida ustun keldi.
Osiyo Kubogi. “B” guruhi3-tur. 18 yanvarO‘zbekiston - Saudiya Arabistoni 3:1Bosh hakam: Benjamin Uilyams (Avstraliya)Qanot hakamlari: Mettyu Krim, Pol Getrangolo (ikkalasi - Avstraliya)Zaxira hakami: Ammar Ali Al Junaybi (BAA)Nazoratchi: Xani Tolib Ballan (Qatar)
Gollar: Sardor Rashidov 2, - 1:0. Al Sahlavi 59 penalti, - 1:1. Vohid Shodiyev 62, - 2:1. Sardor Rashidov 78, - 3:1.
O‘zbekiston: 12.Ignatiy Nesterov, 3.Shavkat Mullajonov, 5.Anzur Ismoilov, 14.Shuxrat Muhammadiyev, 19.Vitaliy Denisov, 7.Aziz Haydarov, 9.Odil Ahmedov, 4.Sardor Rashidov, 15.Jasur Hasanov, 10.Jamshid Iskanderov (16.Vohid Shodiyev, 65), 6.Bahodir Nasimov.
Saudiya Arabistoni: 1.Volid Abdulloh, 3.Osama Havsavi, 4.Abdulla Al Dossari (8.Yahyo Al Shehri, 84), 5.Omar Havsavi, 7.Salman Al Faraj, 9.Naif Hazazi, 10.Muhammad Al Sahlavi, 13.Yosir Al Shahroni, 14.Saud Kariri (17.Taysir Al Jassim, 75), 18.Salim Al Davsari, 20.Navaf Al Obid (19.Fahad Al Muvallad, 90+2).
Ogohlantirishlar: Shuhrat Muhammadiyev 53, Anzur Ismoilov 57, Vitaliy Denisov 58, Al Dossari 62, Al Sahlavi 67, Vohid Shodiyev 77
Izoh (0)