Осиё кубоги гуруҳ босқичи 3-туридан ўрин олган “B” гуруҳи ўйинлари ўз якунига етди. Ўзбекистон терма жамоаси Саудия Арабистонини мағлубиятга учратиб чорак финал йўлланмасини қўлга киритди.
Иккинчи дақиқада Сардор Рашидов томонидан киритилган тезкор гол биринчи бўлимдаги кичик устунликни таъминлаб берди.
Иккинчи бўлимда эса Бенжамин Уильямс Ўзбекистон терма жамоаси дарвозасига пенальти белгилади. Ал Саҳлави 11 метрлик нуқтадан аниқ зарба бериб ҳисобни тенглштирди. Бироқ вакилларимиз тез орада яна олдинга чиқиб олди. Шавкат Муллажонов қанотдан етказиб берган тўпни заҳирадан майдонга тушган Воҳид Шодиев дарвозага жойлади.
Шундан кейин саудияликлар ҳужумга берилиб кетди. Буни эса вакилларимиз тез орада жазолади. Жасур Ҳасанов Сардор Рашидовни тўп билан таъминлади, Сардор эса вазиятни кўкка совурмади. 3 :1. Шу тариқа Ўзбекистон терма жамоаси 22 январь куни Жанубий Корея терма жамоасига қарши чорак финалда майдонга тушадиган бўлди.
Гуруҳда ҳеч нарсани ҳал қилмайдиган иккинчи ўйинда эса Хитой Шимолий Кореядан 2:1 ҳисобида устун келди.
Осиё Кубоги. “B” гуруҳи3-тур. 18 январьЎзбекистон - Саудия Арабистони 3:1Бош ҳакам: Бенжамин Уильямс (Австралия)Қанот ҳакамлари: Меттю Крим, Пол Getранголо (иккаласи - Австралия)Захира ҳаками: Аммар Али Ал Жунайби (БАА)Назоратчи: Хани Толиб Баллан (Қатар)
Голлар: Сардор Рашидов 2, - 1:0. Ал Саҳлави 59 пенальти, - 1:1. Воҳид Шодиев 62, - 2:1. Сардор Рашидов 78, - 3:1.
Ўзбекистон: 12.Игнатий Нестеров, 3.Шавкат Муллажонов, 5.Анзур Исмоилов, 14.Шухрат Муҳаммадиев, 19.Виталий Денисов, 7.Азиз Ҳайдаров, 9.Одил Аҳмедов, 4.Сардор Рашидов, 15.Жасур Ҳасанов, 10.Жамшид Искандеров (16.Воҳид Шодиев, 65), 6.Баҳодир Насимов.
Саудия Арабистони: 1.Волид Абдуллоҳ, 3.Осама Ҳавсави, 4.Абдулла Ал Доссари (8.Яҳё Ал Шеҳри, 84), 5.Омар Ҳавсави, 7.Салман Ал Фараж, 9.Наиф Ҳазази, 10.Муҳаммад Ал Саҳлави, 13.Ёсир Ал Шаҳрони, 14.Сауд Карири (17.Тайсир Ал Жассим, 75), 18.Салим Ал Давсари, 20.Наваф Ал Обид (19.Фаҳад Ал Муваллад, 90+2).
Огоҳлантиришлар: Шуҳрат Муҳаммадиев 53, Анзур Исмоилов 57, Виталий Денисов 58, Ал Доссари 62, Ал Саҳлави 67, Воҳид Шодиев 77
Изоҳ (0)