Xitoy hamda O‘zbekiston milliy terma jamoalari o‘rtasidagi guruh bosqichi 2-tur uchrashuvidan keyin “Miks-zona”da terma jamoa futbolchilari bilan suhbat bo‘lib o‘tdi. Xususan, terma jamoa yarim himoyachisi Server Jeparov bir qator savollarga javob berdi, deb xabar beradi “Uff.uz”.
Savol: Server, nima bo‘ldi? Nega Xitoyga qarshi imkoniyat boy berildi?
Javob: Kim biladi, deysiz. Birinchi bo‘limni yomon boshlamagandik. Gol ham urgandik. Ammo ikkinchi bo‘limda barchasi o‘zgarib ketdi. Biz taktik jihatdan yengildik. Jismoniy tomonlama ham o‘yinni berib qo‘ydik. Xitoy kuchli o‘yin ko‘rsatdi.
Savol: Hali imkoniyatlarimiz saqlanib turibdi. Galdagi rejalar nimadan iborat?
Javob: Endi Saudiya Arabistonini yutmasak bo‘lmaydi. Boshqa choramiz ham yo‘q. O‘ylaymanki, shunda guruhdan chiqish masalasi hal bo‘ladi. Bu uchrashuvda bor kuchimizni ko‘rsatamiz. Nima bo‘lgan taqdirda ham g‘alaba qozonish shart!
Suhbat davomida Server Jeparov buyog‘iga Xitoyga qarshi o‘yin tahlil qilinib, kerakli xulosalar chiqarilishi, shuningdek, keyingi raqib — Saudiya Arabistonining kuchsiz jihatlari o‘rganilishini qayd etdi. Fikrini yakunlar ekan, yarim himoyachi uchinchi o‘yinda g‘alaba qozonish uchun qo‘ldan kelgan barchasini qilishini aytib o‘tdi.
Izoh (0)