Bugun,

  • USD 11095.31
  • RUB 173.84
  • EUR 10772.44

“Real” hujumchisi Krishtianu Ronaldu o‘z faoliyatida uchinchi marta “Oltin to‘p” unvoniga sazovor bo‘ldi (2008, 2013, 2014). Shu tariqa Ronaldu nufuzli sovrinni 3 marta qo‘lga kiritgan to‘rtinchi futbolchiga aylandi, deb xabar beradi “Stadion.uz”.

Krishtianu Ronaldu. Foto: Stadion.uz

Krishtianu Ronaldu. Foto: Stadion.uz

Eslatib o‘tamiz, Mishel Platini (1983—1985), Yoxan Kroyff (“Ayaks” — 1971, “Barselona” — 1973, 1974) va Marko van Basten (“Milan” — 1988, 1989, 1992) ham 3 marta dunyoning eng yaxshi futbolchisi nomini qo‘lga kiritgan.

Hozircha faqat “Barselona” hujumchisi Lionel Messi “Oltin to‘p”ni 4 marta qo‘lga kiritgan (2009–2012).

Krishtianu Ronaldu o‘z taassurotlari bilan o‘rtoqlashdi.

“Ushbu mavsum men uchun unutilmas bo‘ldi. Bunday sovrinni qo‘lga kiritish alohida ahamiyatga ega. Bu menga yanada ilhom beradi. Yana ko‘plab jamoaviy va individual sovrinlarni qo‘lga kiritishga harakat qilaman. ‘Oltin to‘p’ni oilam, onam, aka-ukalarim va otamga bag‘ishlayman. Shuningdek, bu barcha portugaliyaliklarning sovrinidir.

‘Oltin to‘p’ni 3 marta qo‘lga kiritaman, deb hecham o‘ylamagandim, lekin bu bilan to‘xtab qolmoqchi emasman. Messidan o‘tib ketishni istayman. Bunga faqat tinimsiz mehnat orqali erishish mumkin.

Ushbu sovrinni ‘Real’ muxlislariga ham bag‘ishlayman. Biz hamisha Chempionlar ligasini o‘ninchi marta qo‘lga kiritishni istagandik”, — dedi Ronaldu.

Izoh
Asosiy yangiliklar
Mahalliy
Xorazmda ikki kishi is gazidan vafot etdi
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi