Buxoroda motokross bo‘yicha musobaqa tashkillashtirildi (foto)
Buxoro shahridan 30 kilometr uzoqlikdagi “To‘dako‘l” trassasida Vatan himoyachilari kuni arafasida O‘zbekiston mudofaasiga ko‘maklashuvchi “Vatanparvar” tashkilotining Buxoro viloyati kengashi tomonidan har yili tashkillashtiriladigan motokross bo‘yicha viloyat chempionati bo‘lib o‘tdi, deb xabar bermoqda “Vostochniy ekspress”.
10-yanvar kuni bo‘lib o‘tgan musobaqada “Vatanparvar” tashkilotining 10 ta shahar va tuman avtomobil maktablari jamoasi tarkibida 80 nafar sportchi va texniklar, shuningdek qo‘shni Navoiy viloyati vakillari ishtirok etdi.
Yakunda umumjamoa hisobida birinchi o‘rinni Qorako‘l tumani, ikkinchi o‘rinni Olot tumani, uchinchi o‘rinni Buxoro shahri avtomobil maktabi vakillari egalladi. Yakka bahslarda esa deyarli barcha tuman va shaharlar hamda Navoiy viloyati vakillari ham sovrindor bo‘ldi.
