Mashhur ispan rassom Pablo Pikassoning nevarasi o‘z shaxsiy kolleksiyasidagi bobosining rasmlarini 290 million dollarga sotmoqchi. Bu haqda New York Post xabar berdi.
Rassomning balerina Olga Xoxlova bilan nikohidagi katta o‘glining qizi bo‘lgan Marina Pikasso 1905−1965-yillarda chizilgan kamida 7 ta suratni sotishi mumkin. Jumladan, “Onalik” kartinasi 54 million, “Ayol portreti” esa 60 million dollarga baholangan. Xaridorlar bilan muzokaralarni Marinaning shaxsan o‘zi Jenevada o‘tkazish niyatida. Shuningdek, u Kanndagi oilaviy villani ham sotmoqchi.
Marina “unga muhabbat bilan o‘tmagan meros”dan qutulish istagini “o‘tmishdan voz kechish” bilan izohlagan. U bir necha marta mashhur rassom bobosini bolaligida uning oilasini qo‘llab-quvvatlashdan bosh tortganlikda ayblagan. Marinaning akasi Pablito 1973-yilda o‘z joniga qasd qilgani qayd etilgan.
Izoh (0)