Checheniston rahbari Ramzan Qodirov o‘zining Facebook’dagi sahifasi orqali 18-dekabr kuni o‘tkazilgan matbuot anjumanida Rossiya prezidenti Vladimir Putinning o‘zi haqida aytgan fikrlariga munosabatini bildirdi.
“Vladimir Putin 4-dekabrdagi voqealar munosabati bilan Chechenistonda terrorchilikka qarshi kurash bo‘yicha olib borilayotgan ishlarga to‘xtalib o‘tdi. U terrorchilikka qarshi barcha yo‘nalishlarda kurashish lozimligini ta’kidladi. Grozniydagi terakt oqibatida 14 nafar politsiyachi halok bo‘lib, 38 nafari yaralanganini ham aytib o‘tdi.
Prezident mening bu boradagi bayonotlarim odamlar kutganiga to‘liq mos bo‘lganini ta’kidladi. Jahon tajribasida ham terrorchilik bilan kurashda jangarilarning qarindoshlarini javobgarlikka tortish amaliyoti mavjud. Shu bilan birga, prezident qonun doirasida harakat qilish lozimligini ham ta’kidladi.
Biz Prezident tomonidan ushbu hodisalarga berilgan bahoni va qo‘yilgan vazifalarni to‘liq qo‘llab-quvvatlaymiz. Biz uning piyoda askarlarimiz va prezidentning istalgan buyrug‘ini bajarishga tayyormiz. Bugun biz yana bir marta Rossiyani eng qiyin muammolardan olib chiqa oladigan kuchli yetakchiga egalimizga amin bo‘ldik”, − deb yozgan Qodirov.
Izoh (0)