Bugun,

  • USD 11095.31
  • RUB 173.84
  • EUR 10772.44

Bugun, 17-dekabr kuni oliy liganing 2015-yilgi mavsumi uchun qur’a tashlash marosimi bo‘lib o‘tdi, deb xabar beradi “Stadion.uz”.

Vadim Abramov. Foto: mesibook.com / “Kun”

Vadim Abramov. Foto: mesibook.com / “Kun”

Qur’a tashlash marosimida kutilmagan bir voqea ro‘y berdi. PFL yetakchi mutaxassisi Valeriy Lyotkin qur’a tashlash tartibini tushuntira boshlaganida “Lokomotiv” ustozi Vadim Abramov bunga e’tiroz bildirdi. Ya’ni, taqvim o‘tgan yilgidek tuzilishiga qarshi ekanligini ma’lum qildi.

O‘tgan mavsumga qadar oliy liga taqvimi “ko‘zguli” (“zerkalniy”) tartibda tuzib chiqilardi. Aniqrog‘i, 1-turda to‘qnash kelgan klublar mavsumning so‘nggi turida hisob-kitob qilar edi. O‘tgan yildan boshlab bu tartib o‘zgardi. Endi 1-turda uchrashadigan juftliklar ikkinchi davraning birinchi o‘yinida yana to‘qnash keladi. Ma’lum bo‘lishicha, Vadim Karlenovichga bu yoqmagan.

Abramov e’tiroz bildira boshlagach, oraga PFL direktori Farhod Magometov qo‘shildi. Farhod Abdualiyevich Karlenovichga e’tiroz bildirib, bu borada o‘tgan yili klub mutasaddilaridan rozilik olganligini ta’kidladi. Abramov esa o‘tgan yili yo‘qligini ro‘kach qildi. Shu tariqa ikkala mutaxassis biroz so‘zlar bilan “jang” o‘tkazib oldi. Magometov bundan muammo yasamaslik lozimligini uqtirsa, Abramov o‘z fikrini aytayotganligini, bunga haqqi borligini ta’kidlashdan to‘xtamadi. Gapning orasida Abramov Magometovga “men sizga gapirganim yo‘q, o‘zingiz gapga aralashib muammo ko‘taryapsiz”, — degan gaplarni bildirdi.

Shundan so‘ng muammo boshqacha uslubda yechildi. Valeriy Lyotkin barcha klub rahbarlarining fikrlariga qiziqdi. So‘rov natijasiga ko‘ra, beshta jamoa mutasaddilari taqvim “ko‘zguli” tizimda tuzilishi tarafdori ekanligini bildirdi. Qolgan 11 ta jamoa vakili esa o‘tgan yilgi tizim saqlanib qolishini lozim ko‘rdi. Shu tariqa Abramovning e’tirozi e’tirozligicha qolib ketdi.

Izoh
Asosiy yangiliklar
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank