Toshkentning “Lik” teatr harakati Moskvada bo‘lib o‘tgan Inclusive Dance II Xalqaro xayriya raqs festivalining Gran-prisini qo‘lga kiritdi, deb xabar bermoqda “Gazeta.uz”.

Tadbirda jami 500 dan ortiq kishi – imkoniyati cheklangan raqqoslar hamda ko‘ngillilar ishtirok etdi. Juftliklar va raqs jamoalari Avstraliya, AQSh, Belorussiya, Germaniya, Gollandiya, Gruziya, Italiya, Qozog‘iston, Latviya, Slovakiya, O‘zbekiston hamda Rossiya vakillari sifatida festivalda qatnashdi.

“Lik” teatr harakati 1982-yilda zamonaviy xoreografiya ansambli sifatida tashkil etilgan. 2003-yilda u sog‘lom va nogiron insonlar teng maqomda chiqish qiladigan teatrga aylantirilgan bo‘lib, hozirda unga Liliya Sevastyanova rahbarlik qilmoqda.