Braziliyada shifokorlar 56 yil davomida mahalliy aholi vakili Mariya Lusiya de Almeyda Gomesga tashxis qo‘ya olmadi. Uning tarixini Metropoles nashri yoritdi.
Gomesning sog‘lig‘i bilan bog‘liq muammolar u atigi ikki yoshida paydo bo‘lgan. Yoshi ulg‘aygan sari oyoqlari qiyshayib, tishlari erta to‘kilgan, oyoqlarida og‘riq va jag‘ida muammolar yuzaga kelgan. Butun umri davomida og‘riq qoldiruvchi va yallig‘lanishga qarshi dorilar ichgan ayol 12 ta jarrohlik amaliyotini boshdan kechirgan, ammo ular hech qanday natija bermagan.
Braziliyalik ayol 58 yoshga to‘lganida, shifokorlar unga nihoyat tashxis qo‘yishdi — X-xromosomaga bog‘liq gipofosfatemik raxit.
Mutaxassislar Gomesga davolanish uchun faqat bitta dori vositasini tayinladi, bu uning hayot sifatini sezilarli darajada yaxshiladi. Ta’kidlanishicha, dori vositasisiz barcha alomatlar tezda qaytadi, shuning uchun ayol uni qabul qilishni to‘xtatishi mumkin emas.
Izoh (0)