Apple App Store oktabr oyida yangi rekord natija qayd etdi

Mobil dasturlar marketingi bilan shug‘ullanuvchi Fiksu platformasi oktabr oyida Apple’ning App Store onlayn do‘koni yangi rekord natija qayd etganini e’lon qildi. Bu haqda Phonearena.com sayti xabar berdi, deb yozadi “Parol” nashri.

Ma’lumotlarga ko‘ra, o‘tgan oy davomida App Store’dan 7,8 million dona, asosan 200 ta bepul iOS dasturi yuklab olingan. App Store’dan joriy yilning oktabrida yuklab olingan dasturlar 2013-yilning sentabridan 42, oktabridan esa 39 foizga ko‘proq ekanligi qayd etilgan.

App Store’da yangi rekord natija qayd etilishiga esa yangi iPhone 6 smartfonlarining o‘rni katta deb qaralmoqda. Chunki ushbu smartfonlar katta hajmda sotilmoqda va ularning foydalanuvchilari sevimli dasturlarini qayta o‘rnatishmoqda.

Shu bilan birga KGI tadqiqotchilari Apple joriy yilning so‘nggi uch oyligida 71,5 million dona iPhone smartfonlarini sotishini taxmin qilishmoqda. Ularning 56 millioni esa iPhone 6 va iPhone 6 Plus smartfonlari bo‘lishi kutilmoqda. Bu bilan App Store yana yangi rekord natijalar qayd etishi mumkinligini taxmin qilish mumkin.

Shuningdek, “Parol” nashrida quyidagi maqolalarni ham o‘qishingiz mumkin:

• Apple yangi iPhone 6 smartfonlari uchun ikkita reklama roligini taqdim etdi (video);
• Ko‘pchilik Nokia’ning yangi N1 plansheti Apple iPad mini’ga o‘xshash, biroq bu yomon emas deb hisoblaydi.