Yaqindagina yangi duet taronasi uchun yaratilgan videoklipi premyera qilingan shirali ovoz sohibasi Nilufar Turkiyaning Istanbul shahrida o‘zining konsert dasturini taqdim etdi. Bu haqda “Popcorn.uz” xabar bermoqda.
Ikki kunlik konsert dasturi Istanbuldagi Kartal Bulent Ecevent hamda Bakirkuy Cem Karaca madaniyat markazlarida bo‘lib o‘tdi.
O‘zbek san’atiga oshufta qalblarni chorlagan konsertga nafaqat o‘zbeklar, balki turli millat vakillari ham tashrif buyurdi. Dastur uch qismdan tashkil topib, Nilufar o‘z ijodidagi barcha qo‘shiqlarni ijro etdi.
Bundan tashqari, konsertning eng yodda qolarli jihati DJ Piligrim bilan ijro etilgan “Dilim” qo‘shig‘ining videoklipi tomoshabinlarga namoyish etilgani bo‘ldi.
Nilufarning dasturdagi har bir qism uchun alohida tayyorlagan liboslari tomoshabinlarda katta taassurot qoldirdi.
Yana bir e’tiborli tomoni shundaki, Nilufar repertuaridagi qo‘shiqlar musiqasi professional turk sozandalari tomonidan jonli ravishda ijro etildi.
Izoh (0)